Jesus Christ THE SAVIOR OF WORLD

                               अनुशासन    यसको अनिवार्यता    “जी वित परमेश्वरको मण्डली” नामक पुस्तकको पहिलो अध्यायमा हामीले यस पृथ्वीमा मण्डली नै परमेश्वरको घर हो भनेर बताएका थियौं अनि त्यसका नियम-क्रम र जिम्मेवारीहरू नै माण्डलिक चरित्रका प्रमुख बिचार हुन् भनेर औंल्याएका थियौं। हामीले अझ बढ्ता कुरा के पनि देख्यौं भने, परमेश्वर एक नियम र क्रमका परमेश्वर हुनुहुन्छ अनि यदि उहाँ आफ्नो घरमा बास गर्नुहुन्छ भने, अवश्यनै उहाँको घर अर्थात मण्डली उहाँको विचार अनुसारको अनि नियमअनुसारको हुनुपर्छ। यसकारण, “हे परमप्रभु, पवित्रतानै तपाईंको भवनलाई सुहाउँदछ।” (भजनसंग्रह ९३:५) यसैले, मण्डली जो उहाँको निवासस्थान (बासस्थान) हो, त्यसलाई पवित्र राख्नु हाम्रो जिम्मेवारी हो।       १ तिमोथी ३:१४-१५ मा हामी यस्तो पड्दछौं: “तिमीकहाँ चाँडै आउने आशा राख्दै म यी कुराहरू तिमीलाई लेख्दछु; तर म ढिलो भएँ भने परमेश्वरको घरमा, जो जीवित परमेश्वरको मण्डली हो, सत्यको खाँबो र जग हो, त्यसमा कस...